Kosova është sot në ditë zie në shenjë solidariteti për aksidentin tragjik që ndodhi të martën në Bullgari, ku 45 persona, kryesisht shqiptarë nga Maqedonia e Veriut humbën jetën.
Vendimi u mor nga presidentja e Kosovës, Vjosa Osmani. Po ashtu sot ka ditë zie edhe Bullgaria.
Ndërkaq, Maqedonia e Veriut ka shpallur tri ditë zie për të nderuar viktimat e aksidentit të tmerrshëm.
Në mesin e 45 viktimave të aksidentit të rëndë të autobusit të së martes në Bullgari, ishin 12 fëmijë, më i vogli 4 vjeç.
Shkaku i aksidentit nuk dihet ende dhe autoritetet thanë se kanë nisur një hetim.