Pas protestës reagon PD: Policia të merret me njerëz të armatosur nga Ilir Meta

Partia Demokratike reagoi pas zhvillimit të protestës në Tiranë, që përfundoi pa trazira dhe që konsiderua nga selia blu si më madhështorja e mbajtur ndonjëherë. Përllogaritjet e PD-së flasin për rreth 300 mijë protestues të pranishëm në Bulevardin “Dëshmorët e Kombit”. Por ndërsa Policia e Shtetit i druhej personave të armatosur që mund të vinin në protestë, PD-ja është përpjekur të hedhë akuza ndaj atyre që i konsideroi si “persona të thirrur nën armë” nga Ilir Meta.  – “E kuptojmë shqetësimin e Ramës dhe të Metës nga pjesëmarrja e 300 mijë protestuesve, por Policia e Shtetit duhet të bëjë detyrën e saj duke identifikuar personat e thirrur nën armë nga kreu i Kuvendit, Ilir Meta”, të cilët sipas selisë blu, janë persona me precedentë kriminalë e të promovuar nga pushteti.  Nuk dihet se për cilët persona bëhet fjalë apo nëse ky reagim ka të bëjë me deklaratën e djeshme të Policisë së Shtetit, të përforcuar vetëm pak çaste nga fillimi i protestës, se kishte burime të besueshme edhe nga Shërbimi Informativ Shtetëror (SHISH) për mundësinë e përfshirjes së personave të armatosur mes grupit të protestuesve, të cilët mund të tentonin të kryenin veprime të jashtëligjshme për të nxitur revoltë apo tension mes të pranishmëve