Pasi fshiu postimin në facebook për Velipojën, Rama e zëvendëson me një video

Pak orë pas masakrës në Velipojë me 4 të vrarë dhe 2 të plagosur, kryeministri Edi Rama në mëngjes publikoi një foto nga pikërisht bregdeti i Velipojës, duke përshëndetur ndjekësit në rrjetet sociale.

“Mirëmëngjes nga Velipoja e dashur”, shkruante Rama. Por të shumta kanë qenë reagimet dhe komentet, që i kujtojnë kryeministrin ngjarjen e mesnatës.

Postimi u fshi dhe tashmë Rama ka publikuar videon e një investimi në Shërbimin e Ri të Kardiokirurgjisë në spitalin Universitar “Shefqet Ndroqi”, me të cilën ka uruar ndjekësit për një të diel të mbarë.