Paskal Milo: Sipas të dhënave deri në orën 19:00 pjesëmarrja do arrijë në 40%

Ish-ministri i Jashtëm, Paskal Milo thotë se bazuar tek të dhënat zyrtare të publikuara deri në këto momente pjesëmarrja në orën 19:00 do të arrijë në shifrën 40%.

”Nëse deri në 14:00 pjesëmarrja ishte mbi 26%. 5 orë para se të mbyllen kutitë, kam mendimin që duhet të shkojë deri në 19:00 në 40%. Jemi në një periudhë të drekë që qendrat e votimit janë pothuajse bosh.

Pas orës 4 njerëzit shkojnë përsëri. Mendoj se mund të shkojë deri në 40%. Do të jetë 10-12% më shumë se në 2019 që pati një bojkot por nuk arriti deri në 30%. Këto zgjedhje do të shkojnë deri në 40% duke u mbështetur në treguesit që kemi deri tani”,-tha Milo.