Pastrimi masiv në Velipojë dhe Shirokë, Rama poston pamjet dhe uron një fundjavë të mbarë

Ka filluar pastrimi i zonave bregdetare në prag të sezonit turistik. Kryeministri Edi Rama ka ndarë pamje nga aksioni i pastrimit masiv të zhvilluar në zonat bregdetare të Velipojë dhe Shirokë.

Përmes një postimi në Facebook, Rama vlerësoi angazhimin në këto nisma për mbrojtjen e mjedisit, duke e shoqëruar mesazhin me urimin për qytetarët. ”Mirëmëngjes dhe me këto momente nga pastrimi masiv në bregdetin e Velipojës dhe në Shirokë, ju uroj një fundjavë të mbarë”, shkruan Rama.

Aksionet e pastrimit në bregdet po vijojnë në kuadër të përgatitjeve për sezonin turistik, me fokus ruajtjen e mjedisit dhe përmirësimin e hapësirave publike. Sakaq kujtojmë që ditën e djeshme u zhvillua një aksion për pastrimin e zonës bregdetare dhe në pyllin e Sodës.