I ftuar në Syri Tv, pedagogu dhe ish anëtari i AMA-s, Zylyftar Bregu ka komentuar ligjin anti-shpifje, që mazhoranca kaloi dje në seancë plenare.
Sipas tij, do të shtohet numri i atyre që monitorojnë, bashkë me anëtarët e Këshillit të Ankesave nga 3 në 5 minimumi.
Çfarë ka të rrezikshme te ky ligj?
“Shmang gjykatën dhe i beson gjykimin e një lajmi një institucioni politik. 3 nga mazhoranca, 3 nga opozita dhe kryetari nga mazhoranca. Është institucion mbi një formulë politike dhe duke mditur që shumicën e vendos mazhoranca, kështu që vendimi do të jetë politik.
Ligji do të ketë vështirësi për të hyrë në fuqi. Kam një bindje se presidenti do ta kthejë. Presioni i institucioneve ndërkombëtare do të jetë i madh dhe mazhoranca do ti jepet një shans mazhorancës të kthejë mendjen.
Nëse hyn n fuqi, shumë shpejt, këtu do të mbyllet një numër i madh i mediave online dhe ato më shumë kritike me qeverinë”, u shpreh pedagogu. i gazetarisë Zylyftar Bregu.