Peqin, zjarri përfshin 20 hektarë ullinj

Mbi 20 hektarë sipërfaqe me ullinj në fshatin Përparim të Peqinit janë përfshirë nga flakët këtë të shtunë.

Lajmin e kanë konfirmuar autoritetet lokale, të cilat kanë kërkuar ndërhyrje nga ajri për të vënë nën kontroll situatën.

Sipas burimeve, zjarrfikësit e repartit që mbulon zonën e kanë të pamundur të kontrollojnë flakët që favorizohen nga era për shkak të terrenit të thyer.