Për herë të parë në shkollë, Kryemadhi: Një rrugë me sfida

Sot nis viti i ri shkollor 2018-2019 dhe emocionet janë më të shumta tek ata që do të ulen për herë të parë në bankat e shkollës. Për fëmijët që nisin një rrugëtim të rëndësishëm, kryetarja e LSI-së, Monika Kryemadhi, i ka uruar nëpërmjet një postimi në rrjete sociale.

Në mesazhin e Kryemadhit, theksohen sfidat dhe rëndësia që fëmijët të kenë dorën e sigurtë të mësuesëve në këtë rrugë të përballjes me jetën.

”Fillon sot për ju një rrugë e re në përballjen me jetën, me mësime por dhe shumë sfida e mundime, udhërrëfyes e bashkëudhëtarë do të keni mësuesit, që do ju japin dorën dhe dijen për të kaluar vështirësitë përpara”,-shkruan Kryemadhi.

Postimi i plotë

Uroj me zemër suksese për të gjithë fëmijët që ulen sot për herë të parë në bankat e shkollës!

Fillon sot për ju një rrugë e re në përballjen me jetën, me mësime por dhe shumë sfida e mundime, udhërrëfyes e bashkëudhëtarë do të keni mësuesit, që do ju japin dorën dhe dijen për të kaluar vështirësitë përpara.

Uroj gjithashtu suksese për të gjithë nxënësit në këtë vit të ri shkollor!