Përfundon në pranga ish-futbollisti shqiptar, aksidentoi një të moshuar për vdekje

Ish-futbollisti shqiptar, tashmë në pozicionin si drejtues i ekipit të Flamurtarit, ka rënë në pranga të unfirmave blu. Kjo pasi, Ardi Beharin, aksidentoi dje në aksin Lushnjë-Rrogozhinë, një 74-vjeçar, ku ky i fundit gjeti vdekjen e menjëhershme.

Ngjarja
“Një aksident i rëndë me pasojë vdekjen e një personi ka ndodhur sot(dje) rreth orës 13:30 në aksin Lushnjë- Rrogozhinë. Kalimtari 74-vjeçar me inicialet N.F, banues në lagjen “Loni Dhamo” ka ndërruar jetë pas përplasjes me mjetin.

Viktima u përplas nga mjeti tip “Range Rover” me targa AA 948 LK, me drejtues Ardi Beharin, banues në Vlorë. Drejtuesi i mjetit u shoqërua në komisariat, ndërsa lidhur me aksidentin vijojnë hetimet për zbardhjen e plotë të rrethanave”, thuhet në njoftimin e policisë në lidhje me aksidentin e djeshëm.