Përgjaket dasma në Fier, të ftuarit qëllohen me thika

Një ngjarje e rëndë ka ndodhur në një dasëm në qytetin e Fierit, teksa momentet e gëzimit janë shndërruar në një situatë dramatike.

Raportohet se dy persona, të ftuar në dasëm kanë mbetur të plagosur. Ngjarja ndodhi pas një konflikti mes tyre, teksa të dy u qëlluan me thika për motive ende të paqarta.

Dy të plagosurit janë dërguar në spitalin e Fierit, ndërsa nuk ka raportime për gjendjen e tyre shëndetësore. Në lokalin ku po zhvillohej dasma kanë mbërritur forcat e policisë dhe kanë nisur hetimet për të zbardhur ngjarjen.