”Përmbytja” e Durrësit nga plehrat, kryetarja e Bashkisë: Po bëjmë çdo gjë për zgjidhjen e problemit

Pas situatës kaotike me mbeturinat në Durrës që prej ditësh janë kthyer si të jetë përmbytje, reagon edhe kryetarja e Bashkisë, Emirjana Sako. Gjatë mbledhjes me Këshillin Bashkiak të Durrësit, ajo është shprehur se shumë shpejt do të gjendet një zgjidhje. “Do të kemi një trajtim për zgjidhjen e problemit të mbeturinave në Durrës. Do të gjejmë zgjidhje me landfille të miratuara, për të lehtësuar situatën. Do përdoret çdo mjet teknik dhe ligjor për evadimin e mbeturinave që rrezikojnë turizmin”.