Përplasen dy makina në aksin Lezhë – Tiranë, 2 persona të plagosur

Një aksident i rëndë ka ndodhur pak minuta më parë në autostradën Lezhë – Tiranë, në afërsi të Milotit.

Sipas burimeve, janë përplasur dy automjete, ndërsa kanë mbetur të plagosur dy persona që ishin në mjet si pasagjerë.

Të aksidentuarit janë dërguar në spital dhe mësohet se ndodhen jashtë rrezikut për jetën. Policia dhe grupi hetimor ndodhen në vendngjarje dhe po punojnë për shkaqet e aksidentit.