Përplasje fizike mes demokratëve më 18 dhjetor? Çupi: As në ëndrrën më të keqe

Deputetja e Partisë Demokratike, Dhurata Çupi e cila është në krahun e Bashës në këtë betejë mes tij dhe Berishës, përjashton mundësinë e përplasjes mes demokratëve të shtunën, në kuvendin e dytë të PD-së që do të mbahet më 18 dhjetor.

“As në ëndrrën më të keqe nuk e mendoj një përplasje fizike mes demokratëve. Nëse duhet përplasje idesh, unë i ftoj në kuvendin e 18 dhjetorit. Këto ngjarje të këtyre ditëve janë për të shmangur impaktin e madh që do të ketë Kuvendi i datës 18 dhjetor.

Unë mendoj që çdo demokrat mund të protestojë apo denoncojë ku të dojë, por as në ëndërr nuk mendoj që një që një pjesë e demokratëve të sulmojë një pjesë tjetër të demokratëve. Do të ishte e pafalshme dhe historia do të na dënonte rëndë”, tha Çupi në ”A2cnn”.