Përplasje me armë zjarri në Vlorë, deri tani një i plagosur
Një përplasje më armë zjarri ka ndodhur paraditen e sotme në qytetin e Vlorës, duke terrorizuar sërish banorët e zonës. Të shtënat me armë janë shënuar në rrugën Transballkanike, ku sipas burimeve të policisë si pasojë një person ka mbetur i plagosur. Ende nuk dihet identiteti i të plagosurit, ndërsa ai është dërguar në spital për të marrë ndihmën e parë. Policia është në vendin e ngjarjes dhe po heton shkaqet e këtij konflikti. Deri tani efektivët kanë gjetur një pistoletë në vendin ku ka ndodhur konflikti, por pritet të japin detaje mbi personat që u përfshinë në shkëmbim zjarri, të cilët duket se më pas janë larguar dhe janë shpallur në kërkim.