“Përshkallëzim të situatës”, studenti: Mjaft me premtime boshe

Studenti i Fakulteti të Juridikut në Tiranë, Irakli Pina, i ftuar në rubrikën “Opinion” në News 24 deklaroi se rezistenca  për të drejtat e tyre do të vijojë pa afat nëse nuk ka një zgjidhje për të gjithë kërkesat e tyre drejtuar ministrisë së Arsimit.

Ai tha mes tjerash se janë të revoltuar dhe kanë dalë në protestë për shkak të gjuhës së kryeministrit, i cili sipas tij i ka quajtur ngelës.

“Atëherë kemi dëgjuar shpesh dhe jemi në dijeni se ministrja gjatë vitet e fundit ka dalë në konferenca dhe kjo ka  ka ngel në kuadër të fjalëve. Jemi të irrituar ndaj fjalëve të kryeministrit Rama.  Studentët nuk janë  ngelësh. Askush nuk është ngelës. Nuk mund t’i drejtohesh të ardhmes, 18 vjeçarëve me fjalët ngelës.

Për ne dhe për të gjithë studentët nuk largohet me plotësimin e njërit dhe me. Kur kemi vendosur të dalim aty kemi dalë me qëllim.

Kërkesat e studentëve nuk ka parë të parë dhe të dytë, por janë në një rend. Jo të gjithë  studentët vijnë nga Tirana, por vijnë edhe nga rrethet, tha ai.

Gjithashtu ai ka deklaruar se priten përshkallëzim të protestës në rast se kërkesat e tyre nuk do të pranohen brenda orës 16.

“Ne në mbështetjen tonë nuk kemi vetëm student, por edhe pedagogë tanë të nderuar. Ne duhet të bëjmë maksimumin për  ta realizuar, kjo protestë nuk ka drejtues, ata kanë vendosur të bojkotojnë mësimin. Ne jemi të gjithë studentë me qëllimin e vetëm për të sjellë ndryshim real  në vendin tonë.

Çdo kush është i mirëpritur. Nuk ka arsye pse kauza mund të përdoret politikisht. Ne e japim zgjidhjen në 4 kërkesat, atëherë pas skadimit të afatit në orën 16:00 neve si studentë lind e drejta të përshkallëzojmë protestën. Qëndrojmë aty me një afat të pacaktuar. Nesër do të jemi shumë më tepër se kaq, jemi shumë të sigurte për këtë. Ne kemi studentë në rrethe që janë bashkuar në kauzën tonë”, shtoi ai.