Mediat greke kanë publikuar fotografitë e katër aplinistëve të cilët humbën jetën në malet Vardousia pasi u shtypën nga një ortek.
Ata u zhdukën mëngjesin e 25 dhjetorit dhe pas orësh kërkime në kushte të vështira, ekipet e shpëtimit i gjetën të varrosur nën dëborë, të përqafuar me njëri-tjetrin.
Thanasis Koloutouros – Alpinisti me përvojë nga Lechenai
Thanasis Kolotouros, 55 vjeç ishte me përvojë dhe i njohur në rrethet e alpinizmit për ngjitjet e shumta dhe të vështira që kishte bërë në vitet e mëparshme.
George Domalis – Udhëheqësi i ekipit
Sipas informacioneve, udhëheqësi i grupit të ngjitjes ishte Giorgos Domalis, një burrë me përvojë të gjerë në male, i cili e njihte mirë itinerarin specifik. Siç raportuan miqtë e tij, ai kishte një shtëpi në fshatin Athanasios Diakos dhe shpesh ngjitej në atë zonë.
Konstantinos Patikas – Njeriu i teknologjisë dhe sporteve ekstreme
Midis viktimave është Konstantinos Patikas, i cili punonte për një kompani softuerësh.
Sipas informacioneve, ai kishte një dashuri të fortë për sportet ekstreme dhe aventurën, dhe shpesh ndante momente nga aktivitetet e tij, përfshirë edhe përmes një kanali në YouTube.
Theodora Kaplani – Mësuesja që e donte natyrën
Theodora Kaplani, 31 vjeç, mësuese, u rrëmbye nga orteku në Vardousia.
Ajo punonte si mësuese zëvendësuese në Nafplio. Miqtë dhe të afërmit flasin për një grua me dashuri të madhe për arsimin dhe përkushtim ndaj nxënësve të saj. Për të, mali nuk ishte thjesht një aktivitet rekreativ, por një mënyrë jetese dhe ekuilibër i brendshëm.