Ambasada e SHBA në Tiranë: Përurohet Qendra Komunitare në Kurbin

Dje, përuruam Qendrën Komunitare në Kurbin, një nga tri qendrat e USAID-it të cilat ndihmojnë komunitetet e cënueshme të kenë qasje në shërbimet sociale thelbësore. I Ngarkuari me Punë David Wisner, së bashku me drejtuesen e USAID-it në Shqipëri, Mischere Kawas, iu bashkuan Ministres së Shëndetësisë dhe Mbrojtjes Sociale Albana Koçiu, Përfaqësueses së Përhershme të Programit të Kombeve të Bashkuara për Zhvillim në Shqipëri (UNDP) Monica Merino dhe koordinatorëve të qendrës në hapjen e Qendrës që do të nxisë përmirësimin e sistemit të mbrojtjes sociale në Shqipëri dhe do ndihmojë ata që kanë më shumë nevojë të marrin mbështetje domethënëse për të jetuar një jetë më të mirë.