Përvetësoi shumë të mëdha parash me dokumente të falsifikuara, arrestohet biznesmeni në Elbasan

Policia ka vënë në pranga një biznesmen në Elbasan, i akuzuar për falsifikim dokumentesh.

Nga hetimet e kryera prej gati 1 viti rezulton se Agron Xibraku, i cili është administrator i një shoqërie aksionere, ka falsifikuar dokumente të shoqërisë duke vjedhur të ardhurat e kësaj shoqërie në dëm të ortakëve të tjerë.

“Është bërë ekzekutimi i Vendimit Penal të Gjykatës së Rrethit Gjyqësor Elbasan e cila më datë 03.12.2019 kishte vendosur masën e sigurisë  “Arrest në burg” në mungesë për shtetasin A. X., lindur dhe banues në Cërrik ,Elbasan,”-njofton policia.

Uniformat blu i vendosën, me vendim Gjykate, edhe sekuestro preventive aksioneve që Xibraku kishte në kompaninë ku ishte ortak.

Xibraku akuzohet për veprat penale “Vjedhje duke shpërdoruar detyrën”, “Falsifikimit të dokumenteve” dhe “Shpërdorim kompetencave”.