Plagosi çiftin e bashkëshortëve pas sherrit për qenin, Policia gjen pistoletën e autorit

Pak orë pas krimit të ndodhur në Gosë të Rrogozhinës, Policia e Kavajës ka gjetur armën e krimit të përdorur nga autori i dyshuar, i cili gjithashtu u arrestua. Sherri mes fqinjëve këtë të premte përfundoi me veprimin e Shpëtim Osma, i cili ka qëlluar me armë zjarri dy bashkëshortët Sami dhe Nadire Disha, duke i plagosur njërin në këmbë e tjetrin në bark. Pak poas arrestimit të tij, policia vendore konfirmoi se gjeti të fshehur në një mur pistoletën që dyshohet se përdori Osma.