Plagosi rëndë partneren, arrestohet shqiptari në Greqi

Një ngjarje e rëndë ka ndodhur në Greqi, ku një 25-vjeçar me origjinë shqiptare, është vënë në prangat e policisë, pasi sulmoi partneren e tij 35-vjeçare dhe e plagosi rëndë në kokë.

Sipas mediave greke, ngjarja ka ndodhur në shtëpinë ku jeton 35-vjeçarja nga Moldavia.

Autori ka hyrë nga një derë e hapur ballkoni dhe ka sulmuar 35-vjeçaren, duke e goditur në kokë.

Ajo është dërguar në Spitalin e Përgjithshëm të Larisës.

Fqinjët që kanë dëgjuar zëra kanë lajmëruar policinë, e cila ka shkuar në vendngjarje.

Më pas, 25-vjeçari u zhduk për t’u gjetur nga policia në zonën e Karditës.

Ndaj tij është ngritur rasti për lëndim të rrezikshëm trupor.