Plagosje me armë zjarri në Shkodër, ngjarja pas një konflikti të çastit

Një plagosje me armë zjarri ka ndodhur në qytetin e Shkodrës.

Mësohet se është plagosur me plumb në këmbë shtetasi V. K., i cili është dërguar menjëherë në Spitalin e Shkodrës dhe ndodhet jashtë rrezikut për jetën.

Ngjarja ka ndodhur në lagjen Serreq, në orët e para të mëngjesit, ndërsa shkak i plagosjes mësohet se ka qenë një konflikt i çastit. Nga ana e saj, policia po punon për identifikimin dhe kapjen e autorit të plagosjes.