Një plagosje me armë zjarri është regjistruar në afërsi të zonës së Zogut të Zi në Tiranë, ku një shtetas kosovar është qëlluar me plumb në këmbë.
I plagosuri është transportuar menjëherë në spital për të marrë ndihmën mjekësore dhe, sipas të dhënave paraprake, ndodhet jashtë rrezikut për jetën.
Ndërkohë, policia ka nisur hetimet për zbardhjen e rrethanave të ngjarjes dhe identifikimin e autorit. Efektivët po mbledhin dhe administrojnë pamjet e kamerave të sigurisë në zonën ku ndodhi plagosja, me qëllim dokumentimin e lëvizjeve të personave të përfshirë.
Sipas burimeve, i plagosuri nuk ka pranuar të bashkëpunojë me grupin hetimor dhe nuk ka dhënë detaje lidhur me rrethanat apo autorin e dyshuar.
Hetimet vijojnë për të përcaktuar motivin e ngjarjes dhe dinamikën e plotë të saj.