Plas keq sherri mes të rinjve në Vlorë, humb ndjenjat një vajzë

Disa të rinj janë përfshirë në një përleshje fizike pasditen e sotme në qytetin e Vlorës.

Dyshohet se shkak i sherrit mes të rinjve ka qenë një vajzë.

Sipas të dhënave paraprake, mësohet se disa të rinj kanë dhunuar fizikisht një bashkëmoshatarin e tyre, pranë Pallatit të Kulturës të qytetit bregdetar.

Një nga vajzat e cila ka qenë prezente në përleshjen mes të rinjve, ka humbur ndjenjat.

Ende nuk ka një reagim zyrtar nga Policia e Vlorës, lidhur me ngjarjen e rëndë.