Plas sërish mes deputetëve socialistë, Fino largohet nga Komisioni pas debatit me Manjën

Ende pa kaluar një javë nga debate në mbledhjen e kaluar të Komisiont Parlamentar të Ligjeve deputetët socilistë Ulsi Manjë, njëherësh kryetar I këtij Komisioni, dhe Bashkim Fino kanë pasur sërish përplasje.

Në mbledhjen e sotme Bashkim Fino kundërshtuar miratimin e nenit 41 i sjellë në rend dite, kërkesë e cila është shpërfillur nga anëtarët e këtij komisioni të cilët e kanë miratuar unanimisht.

Pas miratimit të këtij neni, Fino ka dalë nga salla duke braktisur mbledhjen para përfundimit të saj.

Përplasja e një jave më parë

Kujtojmë se javën e kaluar debate midis dy socialistëve u zhvilluar për shka t ë vendimit të Gjykatës së Strasburgut mbi pallatin e familjarëve të Lulzim Bashës në Vlorë.

Në këtë mbledhje deputeti, Bashkim Fino iu drejtua Avokatit të Shtetit, Artur Metani me një pyetje për sa i përket vendimit të Gjykatës së Strasburgut mbi pallatin e familjarëve të Lulzim Bashës në Vlorë.

Fino kërkoi informacione mbi çështjen dhe për mënyrën se si u humb nga Avokatura e Shtetit në Strasburg ndërkohë që Metani iu drejtua Finos duke e quajtur “zoti deputet”. Pas kësaj Fino i është drejtuar kryetarit të këtij Komisioni, Ulsi Manjës të cilit I ka kërkuar qëndrim për këtë gjë por nuk ka munguar përgjigjja e papritur nga ky i fundit

Bashkim Fino: Për etikë, më quajnë Bashkim Fino, jam deputet i PS-së, kam 22 vjet në këtë Kuvend dhe shpresoj që siç di emrin e disa deputetëve që rishtaz kanë ardhur të rinj, dhe të cilët i vlerësove të më vlerësosh dhe mua me këtë etiketë. Vetëm për çështjen që fole, nuk kam dëshirë.

Artur Metani: Më mirë. Nuk është dhe objekt i raportimit tek e fundi

Fino-Ulsi Manjës: Ti duhet të mbash qëndrim si kryetar i Komisionit për këtë gjë

Ulsi Manja: Gishtin mos ma drejto mua se nuk jam shoku jot unë.

Artur Metani: Nuk ka të bëjë ekzekutimi me vendimin e Strasburgut. KLSH e ka gjetur pa probleme. Meqë u bë ndryshim ligjor ne nuk kemi pas vendimmarrje lidhur me këtë çështje.