Platforma Web-GIS, ministrja Denaj: Ky sistem ndihmon fermerët të njohin më mirë tokën e tyre

Ministrja e Bujqësisë, Anila Denaj ka treguar përmes një postimi në Facebook, se specialistët e QTTB Fushë-Krujë morën mostra të tokës në njësinë administrative Maqellarë, për t’i analizuar në laboratorin e QTTB. Sipas Denajt, programi “Menaxhimi i Qëndrueshëm i Tokës Bujqësore”, ndihmon fermerët që të njohin më mirë tokën e tyre dhe të marrin vendime të informuara për mbjellje, plehërim, punim dhe mbrojtje, duke garantuar zhvillim të qëndrueshëm dhe fitim të lartë ekonomik.

Postimi i plotë

Në kuadër të programit “Menaxhimi i Qëndrueshëm i Tokës Bujqësore”, specialistët e QTTB Fushë-Krujë morën mostra të tokës në njësinë administrative Maqellarë, bashkia Dibër, për t’i analizuar në laboratorin e QTTB.

Pas analizimit, të dhënat e përpunuara përmes GIS dhe të ngarkuara në platformën Web-GIS bëjnë të mundur që informacioni për cilësinë dhe përdorimin e tokës të jetë i aksesueshëm për çdo fermer kudo në Shqipëri.

Kjo platformë ofron: Përcaktimin e kulturës më të përshtatshme për çdo zonë, rritjen e efektivitetit të inputeve bujqësore, uljen e kostove dhe mbrojtjen e mjedisit, Zbatimin e teknologjive të avancuara për prodhim më të lartë dhe cilësi të qëndrueshme.

Ky sistem ndihmon fermerët të njohin më mirë tokën e tyre dhe të marrin vendime të informuara për mbjellje, plehërim, punim dhe mbrojtje, duke garantuar zhvillim të qëndrueshëm dhe fitim të lartë ekonomik.