Plazhet private leje online në e-Albania

Këtë vit plazhi do hapet me dy faza. Nga 1 qershori, hotelet mund të nxjerrin çadrat e shezlongët, ndërsa plazhet private lejen duhet ta kërkojnë në e-Albania. Kontratat e dhëna nga bashkitë tashmë janë të pavlefshme. “Qeveria do të dalë me një VKM nga Ministria e Turizmit që do marrë në dorëzim parcelizimin e plazheve dhe aplikimet që do të bëjnë operatorët turistikë”.

Vendimi i qeverisë do të përcaktojë protokollet që do të zbatohen dhe ndarjen e hapësirës. Raporti 80 % plazh privat dhe 20 publik mund të ndryshojë, pasi në vazhdimësi Kryeministri ka folur për plazh sipas modës së vjetër. Edhe në Vlorë të vetmit që kanë nxjerrë çadrat janë hotelet.

Ata që administrojnë plazhe private kanë nisur përgatitjet, por janë në pritje dhe paqartësi. Thonë se janë gati të zbatojnë protokollet e sigurisë, por refuzimi i lejes për plazh do të thotë faliment. Vitin e kaluar në vijën bregdetare të Vlorës ishin afro 250 subjekte me leje për shfrytëzimin e plazhit, ku 30 % janë hotele.