Plumb në veshmbathje, arrestohet vizitori në burgun e Lushnjes

Shërbimi i Kontrollit të Brendshëm të Burgjeve, ka arrestuar këtë të mërkurë në burgun e Lushnjes një vizitor, kjo pasi gjatë kontrollit i është gjetur një fushek pistolete i kalibrit 7.65 mm. “I arrestuari në flagrancë, K.Sh, i datëlindjes 05.03.1980, banues në Memaliaj, kishte sjellë një qese me veshmbathje për djalin e tezes A.A, i dënuar me tetë vite burgim për veprat penale të prodhimit, trafikimit dhe shitjes së narkotikëve”,-bën me dije Ministria e Drejtësisë.