Një aksident ka ndodhur para pak minutash në afërsi të mbikalimit të Shkozetit në Durrës, ku një automjet ka lënë të plagosur një person i cili ishte duke lëvizur me biçikletë.
Personi ka qenë duke transportuar një thes me miell me biçikletën e tij kur ka humbur ekuilibrin dhe gjithashtu shoferi ka manovruar në mënyrë të gabuar duke e aksidentuar.
Ndërkohë policia ka shkuar në vendngjarje bashkë me ambulancën e cila e ka transportuar të aksidentuarin në spitalin e Durrësit.
Ende nuk ka të dhëna nga burime zyrtare, ndërsa policia ka shkuar në vendin e ngjarjes për të zbardhur ngjarjen.