Po lahej në ujërat e lumit Buna me familjarët, humb jetën vajza e mitur

Një vajzë e mitur e moshës rreth 7 vjeçare ka humbur jetën këtë të martë, pasi u mbyt në ujërat e lumit Buna, në afërsi të fshatit Oblikë të Njësisë Ana e Malit.

Sipas korespondentit të “Panorama.al”, e mitura me inicialet Z.L, ishte duke u larë në lumë me familjarët e saj.

Burimet thanë se papritur, vajza e vogël ka humbur jetën teksa lahej në lumë.

Policia ka shkuar në vendin e ngjarjes dhe po punon për sqarimin e rrethanave të saj, teeksa ka marrë edhe dëshminë e familjarëve të së ndjerës.