Policia e Shtetit: Ja akuzat që rëndojnë mbi Tom Doshin dhe Mark Frrokun Pëlqej0

Policia e Shtetit, përmes një deklarate për mediat ka thënë se arrestimi i deputetëve Tom Doshi dhe Mark Frroku është bërë nga Prokuroria, bazuar në akuzën e ngritur më parë kundrejt tyre.

 “Urdhër-ndalime për shtetasit Tom Gjek Doshi, 49-vjeç, lindur në Shkodër dhe banues në Tiranë, si dhe Mark Preng Frroku, 43-vjeç, lindur në Pukë dhe banues në Tiranë, deputetë të Kuvendit të Shqipërisë. Urdhër-ndalimet janë lëshuar nga Prokuroria e Përgjithshme e Republikës së Shqipërisë dhe datojnë më 26.03.2015 për veprat penale “Këllëzim i rremë”, “Deklaratë e rreme përpara Prokurorit” dhe “Kanosje për Deklarime, dëshmi, ekspertim apo përkthim të rremë”, thuhet në deklaratën e policisë.

Sipas policisë, veprat penale të lartpërmendura janë të parashikuara nga nenet 305, 305/a dhe 312/a te Kodit Penal.

Policia sqaron se Tom Doshi është ndaluar në banesë, ndërsa Mark Frroku në një lokal të tij.