Policia britanike arriti të zbulojë dhe sekuestrojë një sasi kokaine me vlerë 78 milionë paund, pasi ishte njoftuar për vjedhje në një kamion mallrash.
Tre burra dhe një grua u vunë në pranga nga policia për drogën e gjetur në një zonë industriale në Northampton.
“Oficerët e policisë zbuluan fillimisht një sasi të madhe kokainë të paketuar në kamion, ndërsa më pas u gjet edhe një furgon në të cilin u zbuluan edhe disa çanta të tjera me kokainë. Kjo është sasia më e madhe e kokainës së kësaj cilësie të sekuestruar ndonjëherë nga policia e Northamptonshire. Bëhet fjalë për 780 kilogramë në total”, tha një zyrtare e policisë.
Për këtë rast ka nisur një hetim i gjerë për zbulimin e rrjetit të trafikantëve të drogës.