Prapë lëkundet Gjirokastra

Një tjetër tërmet ka goditur para pak çastesh qytetin e Gjirokastrës pas lëkundjeve të djeshme sizmike që tmerruan banorët.

Lëkundjet e sotme ishin më të lehta se ato të parat, ndërsa nuk ka dëme materiale apo të plagosur.

Tërmetet nisin mbrëmjen e djeshme dhe vazhduan gjatë gjithë natës, epiqendra e të cilave ishte në qytetin e Janinës në Greqi.

Nga frika e lëkundjeve të vazhdueshme, qytetarët në Gjirokastër kaluan natën jashtë banesave të tyre.

Tërmeti i djeshëm 5.4 ballë u ndje edhe në qytete të tjera të Shqipërisë, kryesisht në jug.