Predhat e Luftës, nisin eksplorimet në Liqenin e Ohrit

Një grup eksploruesish shqiptaro-maqedonas kanë nisur eksplorimin për gjetjen e predhave në Liqenin e Ohrit që mendohet se kanë ngelur nga Lufta e Dytë Botërore.

Grupi i përbërë nga tre persona ka nisur kontrollet nga fshati Lin deri në Tushemisht ku mendohet se mund të ketë sasi të konsiderueshme predhash.

“Ideja për këtë projekt është këtu e 15 vite më parë. Projekti përfshin zhytjen në rreth 80 kilometra të liqenit të Ohrit. Thellësia që në zhytemi është nga 5 deri në 15 metra. Kemi filluar nga porti i Ohrit, sot jemi mes ujërave të Maqedonisë dhe Shqipërisë kemi parashikuar se duhet një muaj për të eksploruar pjesën shqiptare”.

Eksploruesi pogradecar Enrik Mato tregon se prania e predhave është identifikuar në një pjesë të zonave të populluara gjatë stinës së verës. Por pas identifikimit Ministria e Mjedisit duhet të ndërhyjë për largimin e tyre.

Prania e këture bombave është shumë e rrezikshme, sepse ato nuk janë në thellësi të mëdha dhe është shumë e rrezikshme si për turizmin dhe për banorët. Zhytësit e shoqatës “Amfora”, në bashkëpunim me zhytësit e shoqatës së Pogradecit, “Dragoi”, po identifikojnë të gjitha mbetjet e predhave të Luftës së Dytë Botërore. Në derdhjet e grykave të lumenjve në liqenin e Pogradecit ka shumë mbeturina”, tha kryeinspektori i Mjedisit, Aleksandër Cela.

Tre eksplorues filmojnë, por dhe bëjnë fotografi zonat me prani predhash dhe minash për t’i paraqitur me pas ministrive të linjës, asaj shqiptare dhe maqedonase me qëllim pastrimin e krejt liqenit të Ohrit nga predhat që mbeten rrezik serioz për jetën e banorëve, por dhe pushuesve.
/ Top Channel