Presidenti Begaj: Arbëreshët janë shembull i rrallë i ruajtjes së identitetit, historisë, gjuhës, kulturës dhe ritit

Presidenti Bajram Begaj, e nisi turin e dytë të vizitave në rajonin e Kalabrisë nga Civita, (Çifti), një qytet në provincën e Kozencës, i ndërtuar nga një çift arbëreshësh më shumë se 500 vjet më parë.

Në një postim në rrjetin social Facebook, Presidenti Begaj shkruan se arbëreshët janë shembull i rrallë i ruajtjes së identitetit, historisë, gjuhës, kulturës dhe ritit.

“Civita – Mbajtja e fjalës së dhënë është shumë e rëndësishme për ne shqiptarët. Jam sërish mes arbëreshëve të Kalabrisë për të mbajtur fjalën e dhënë, për të vizituar çdo katund të tyre, si dhe për t’i falënderuar. Arbëreshët janë shembull i rrallë i ruajtjes së identitetit, historisë, gjuhës, kulturës dhe ritit”, shkruan Begaj në Facebook.