Presidenti i ri, Bushati: Procesi edhe më tallës se anketimi për kanabisin

Sot socialistët shkruajtën 3 emra të preferuar për ti parë në garën se kush do të jetë Presidenti i ri i Shqipërisë.

Analisti Andi Bushati e konsideron si qesharake dhe tallëse, procedurën e ndjekur nga mazhoranca. Për të ky proces i duket edhe më tallës se anketimi i Këshillimit Kombëtar për legalizimin e kanabisit.

“Unë mendoj se është një tallje. Pashë ato skenat qesharake sot kur deputetët e PS votonin në kutinë e fshehtë sikur po propozonin emra. Kush po propozojnë emra? Këta ministra që e morën vesh nga televizoni që u bënë ministra? Më duket tallje më e madhe se ajo e Këshillimit Kombëtar për legalizimin e kanabisit”, tha Bushati në ”Euronews Albania”.