Prishtinë, protesta shpërthen në dhunë, tre policë të plagosur (FOTO)

Protestuesit e dhunshëm kanë vazhduar të konfrontohen me policinë e Kosovës. Përpos objektit të Qeverisë, protestuesit kanë shkatërruar edhe prona private të bizneseve në Prishtinë.

Aktualisht, turma e protestuesve ndodhet para shtatores së Nënës Terezë, ndërsa policia po i ndjek pas.

policia është vënë në ndjekje të protestuesve, ndërsa ka arrestuar 10 persona pjesëmarrës në protestë.

Ora 16:35 Policia përdor gaz lotsjellës për të shpërndarë protestuesit

Njësia Speciale e Policisë së Kosovës ka ndërhyrë ndaj protestuesve që po gjuanin gurë në drejtim të ndërtesës së Qeverisë.

Baki Kelani, ka thënë se qëllimi i policisë nuk është që të sulmojë qytetarët, mirëpo në rastet kur protestuesit janë të dhunshëm, ndërhyrja është e pashmangshme, raporton Koha.net.

Ora 15:40 Lideri i Vetëvendosjes, Albin Kurti, ka kërkuar dorëheqjen e Kryeministrit Isa Mustsfa.

Kurti ka thënë se nëse Isa Mustafa s’e largon Jabllanovicin nga Qeveria atëherë duhet të jap dorëheqje edhe Kryeministri Mustafa.

Albina Kurti: “Qeveria i ka ditët e numëruara. Një qeveri që nuk i ka punët mirë me minatorët dhe studentët i ka ditët e numëruara”, ka thënë ai.

Ora 15:30 Protestuesit kanë filluar ta sulmojnë Policinë e Kosovës, e cila ka rrethuar objektin e Qeverisë.

Ata po gjuajnë me sende te ndryshme ne drejtim të tyre, derisa organizatorët po mundohen ti qetësojnë ata, raporton Gazeta Express.