Profesori i Oksfordit: Alienët po çiftëzohen me njerëzit në Tokë

Një profesor i Universitetit të Oksfordit thotë se alienët janë duke u çiftëzuar me njerëzit për të prodhuar specie hibride që janë në gjendje të shpëtojnë planetin nga katastrofa të mëdha si lufta bërthamore dhe ndryshimet klimatike.

Young-hae Chi, një instruktor i koreanishtes në Institutin Oriental të Oksfordit, tha se qëllimi parësor i alienëve ishte të siguronte mbijetesën e tyre, por duke vepruar kështu mund të mbronte racën njerëzore.

Ai së pari bëri pretendimet në një ligjëratë në vitin 2012 kur ai përmendi një “hulumtues rrëmbimi” nga SHBA, i cili beson se hibridët po ecin mes nesh, raportoi gazeta e Oxford Student.

Që atëherë ka shkruar një libër mbi temën e quajtur Vizitat e Alienëve dhe Fundi i Njerëzimit.

Në libër, i cili është shkruar në gjuhën koreane, ai thotë se ka katër lloje të jashtëtokësorëve, duke përfshirë një varietet ‘të vogël’, ‘të gjatë dhe tullac, ‘i mbuluar me skuqje me sytë e gjarpërinjve’ dhe ‘insektet’.

Njerëzit nuk janë në gjendje të përjetojnë sistemin gjithëpërfshirës në të cilin ekzistojnë jashtëtokësorët, sepse organet tona e kufizojnë perceptimin tonë, shton ai.

Në ligjëratën e tij, të titulluar Rrëmbimet e Alienëve dhe Kriza Mjedisore, ai përmendi teorinë e tij në lidhje me praninë e jashtëtokësorëve në Tokë.

Dr Chi tha se “jo vetëm shkencëtarët dhe teologët, por edhe specie jo njerëzore që duket se janë shumë të shqetësuar për mbijetesën e specieve njerëzore”.

“Mund të supozohet pak a shumë se projekti hibrid është një përgjigje ndaj këtij shkatërrimi të papritur të civilizimit njerëzor”, përfundon ai.