“Projekt i jashtëzakonshëm, për të cilin po punohet prej vitesh”, Rama për projektin në Zvërnec

Kryeministri Edi Rama ka reaguar lidhur me situatën në Zvërnec.

“Nesër e kam radhën unë për të folur për një projekt të jashtëzakonshëm për Shqipërinë, për të cilin po punohet prej disa vitesh dhe që nuk ka asnjë lidhje me disa të pavërteta që janë hedhur në qarkullim ditët e fundit.

Ndërkohë, përgëzoj lidershipin e Policisë së Shtetit për reagimin e shpejtë dhe të saktë, si ndaj atij grushti muskujsh pa tru me statusin e rojeve private të sigurisë, ashtu edhe ndaj drejtuesve vendorë të Policisë së Vlorës.

Qasja e re e tolerancës zero ndaj çdo veprimi që cenon besimin e publikut është e duhura.

Për vetë projektin dhe të vërtetat e tij, do të flas më shumë nesër në orën 10:00, live për të gjithë të interesuarit”, shkruan Rama.