Prokurorët e SPAK-ut dhe gjyqtarët e posaçëm e meritojnë pagën mujore 10 mijë euro

Arrestimi i Vangjush Dakos, një nga njerëzit më të afërt të kryeministrit Rama, tregon se Reforma në Drejtësi po jep rezultate.

Informacione të besueshme tregojnë se do ketë arrestime ish-kryeministri ose dhe më lart.

Me sa duket Amerikanët e zotërojnë SPAK-un dhe Gjykatën e Posaçme sepse ndryshe nuk do të kishte arrestime të personave me lidhje të forta politike por edhe me botën e nëndheshme të krimit të organizuar.

Informacione të besueshme flasin se ka patur presione të jashtëzakonshme nga mazhoranca dhe qeveria që Vangjush Dako të mos arrestohet, por të hetohej i lirë ose e shumta arrest shtëpiak.

Fakti që fitoi drejtësia në raport me politikën tregon se ka shpresë.

Prokurorët e SPAK-ut dhe gjyqtarët e posaçëm duhen paguar me paga 10 mijë euro në muaj, pasi ata po vendosin drejtësinë dhe po krijojnë edukatën te punonjësit e shtetit se po preke lekët e taksapaguesve shkon në burg. Ata po ndeshen me presione dhe interesa të mëdha politike dhe parash e duket se po sulmojnë pa patur frikë njeri.

Në dukje krijohet përshtypja se t’ju ngrihet paga Prokurorëve dhe gjyqtarëve të posaçëm mbetet nonsens me pagat e tjera në vend, por nëse shikon se ata po luftojnë korrupsionin në nivele të larta dhe krimin e mirëorganizuar, ata kursejnë qindra milionë euro shtetit shqiptar.

Të ndeshesh me mafien politike dhe të krimit kërkon kurajo, por edhe duhet të jesh i mirëpaguar nga shteti.

Nga dje këta pjestarë të drejtësisë kanë ngjallur shpresë te qytetarët e thjeshtë, por edhe frikë te zyrtarët e shtetit.

SPAK-u me punën e përkushtuar të Arben Krajës krijoi themelet e kësaj ndërtese drejtësie që po jep rezultate, ndërsa me Altin Dumanin po betonohen kolonat e SPAK.

Ndaj shteti duhet t’ju krijojë kushte pune moderne që më pas ata të jenë njerëzit që populli i pret prej vitesh.