Prokuroria dërgon në gjyq 70-vjeçarin që vrau vajzën e vet
Prokuroria e Krimeve të Rënda ka dërguar në gjykatë dosjen e 70-vjeçarit Doksan Dushku, që akuzohet për vrasjen e së bijës.
Në dosjen e prokurorisë thuhet se Dushku është autori i vrasjes së Fatmira Dushkut, ngjarje kjo e ndodhur në fshatin Sllatinë të Dibrës.
Ngjarja ka ndodhur më 28 maj 2014.
Shkak për këtë ngjarje të rëndë, sipas prokurorisë, ka qenë një lidhje e 21-vjeçares, me një kushëri jo shumë të afërt.
Vajza kishte mbetur shtatzënë nga kjo lidhje dhe kjo ka bërë që i ati, pas debateve të forta dhe sherreve në familje, ta vrasë të bijën në oborrin e shtëpisë.