Prokuroria qarkore për kanabisin: Është mbjellë në të gjithë vendin

Prokuroria e Përgjithshme ka shpërndarë një qarkore në prokuroritë e rretheve ku ngre shqetësimin për kultivimin e kanabisit. Burimet thanë se prokuroria edhe pse vlerëson punën e organeve ligjzbatuese në luftën kundër këtij fenomeni, vë re me shqetësim se tendenca për kultivimin e drogës është shtrirë në të gjithë vendin.

Burimet thanë se në qarkore nënvizohet se në pjesën më të madhe të rasteve, kultivuesit e bimëve narkotike kanë shfrytëzuar sipërfaqe toke që janë në pronësi publike apo t ëish-komunave, kryesisht pyje e kullota apo pranë burimeve të ujit dhe larg qendrave të banuara.

Burimet thonë se në qarkore nënvizohet se kohët e fundit është vërejtur tendenca e kultivimit të bimëve edhe në ambientë të mbyllura si tunele magazina dhe ndërtesa të vjetra apo edhe serra ku për rritjen e drogës përdoret energjia elektrike, ndërkohë vetëm në oirët e fundit policia e tiranës dhe e gjirokastrës njoftuan për shkatërrimin e 7 100 rrënjëve kanabis sativa.