Protesta e PD-së, blindohet Parlamenti me forca speciale. FNSH dhe policia në gatishmëri për çdo skenar

Pas 1 ore nis protesta e thirrur nga Sali Berisha, dhe Parlamenti i Shqipërisë është rrethuar me forcat speciale, që të sigurojnë deputetët të cilët do të jenë pjesë e seancës plenare. Ende nuk dihet skenari i kësaj proteste.

Kreu i qeverisë, Edi Rama nuk do të jetë në seancë, pasi në orën 17:00 është parashikuar një konferencë e përbashkët me homologun e Bavarisë, ndërsa më pas kreu i qeverise do të niset për një vizitë në Dubai.

Kreu i PD-së, Sali Berisha thotë se tani e tutje Kuvendi do të jetë arena e opozitës, pasi për të ky institucion po shndërrohet në antikushtetues dhe po i pret fjalën opozitës.