Protesta e sotme, PD: Mijëra qytetarë nisen nga Korça

Teksa protesta e opozitës pritet të nisë pasdite në orën 18:30, qytetarë dhe simpatizantë e frontit opozitar nga rrethet janë bërë gati për të udhëtuar drejt kryeqytetit.

Raportohet se rreth 3900 protestues nga qarku i Korçës janë nisur drejt Tiranës.

Rrugëtimi i protestuesve drejt Tiranës po kryehet me autobusë, mikrobusë dhe mjete te vogla.

Sipas burimeve të degës lokale të PD, nga qyteti i Korçës janë nisur 1500 mbështetës të selisë blu, nga Devolli 900,nga Kolonja 500 ndërsa nga Pogradeci 1000 protestues.