Protesta/ Kushi takim me rektorët e universiteteve, i pranishëm edhe Rama

Në një kohë që dita e parë e vitit të ri akademik nisi me bojkot nga ana e pedagogëve, ministrja e Arsimit, Evis Kushi, ka thërritur në një takim rektorët e universiteteve publike të vendit. Takimi do të zhvillohet në orën 18:30 dhe në të mund të marrë pjesë kryeministri Edi Rama. Zyrtarisht takimi mbahet për të diskutuar për rankimin e universiteteve në vend, por ai vjen në ditën e parë të bojkotit të punës nga ana e pedagogëve, në ditën e parë të vitit akademik.