Protesta te ”5 Maji”, 97-vjeçari: Më mirë të na pushkatojnë, sesa të na prishin shtëpitë

97-vjeçari Nik Sokoli është njëri prej banorëve që banesa u prish. Gjatë protestës së sotme te zona e ”5 Majit”, Sokoli është shprehur se në një shtet demokratik janë të pranishme edhe protestat, duke theksuar se ata nuk kanë asnjë problem me policinë.

I moshuari tha se më mirë t’i pushkatojnë e të vdesin, se sa t’ju prishin shtëpitë dhe të mos u japin paratë.

”Ky ka shtet demokratik, ka edhe protesta. Ne nuk kemi ndeshje me Policinë. Ndoshta u thotë Edi Rama pushkatojeni popullin, por nuk duhet. Më mirë të na pushkatojnë e të vdesim, sesa të na prishin shtëpitë e të mos na japin paratë. Rruga të bëhet, por edhe të na japin paratë”.