Protestë kundër ndërtimit të resortit në Rrjoll, banorët shembin rethimin dhe futen në kantier

Banorët e Rrjollit janë ngritur sërish në protestë kundër ndërtimit të resorit luksoz në këtë zonë.

Ata kanë shembur rrethimin me tela dhe mur dhe kanë mundur të futen në kantier. Ndërkohë ka pasur dhe përplasje me policinë.

Protestuesit kanë tentuar të bllokojnë makineritë që punojnë për ndërtimin e resortit, ndërsa policia po tenton që t’i largojë prej aty.

“Kërkojmë të drejtën tonë. Na kanë rënë në qafe. Është e disata herë që protestojmë. As nuk na shkon ndërmend me u përplas. Nëse mundemi do e heqim rrethimin. Për shtetin kemi thirrje, mos na bjer në qafë”, tha një protestues për mediat.

Resorti që po bëhet nga kompania Gener 2 shtrihet në një sipërfaqe prej 147.2 hektarësh është kundërshtuar me forcë nga banorët e zonës, për shkak të problemeve me pronësinë e tokës.

Banorët pretendojnë se tokat e tyre janë grabitur me dokumente false nga një ish-zyrtar, i cili më pas ia ka shitur kompanisë ndërtuese.