Protestë në Korçë, turistja surprizon policët me lule: Shqipëria jo në shitje

Edhe në Korçë po zhvillohet një protestë nga qytetarët që kundërshtojnë investimin në Zvërnec. Dhjetëra qytetarë janë bërë bashkë në pedonalen e qytetit, duke protestuar me thirrjet ‘Rama në burg, Berisha në burg’.

Një moment i veçantë nga protesta, është kur një grua nga Gjermania ka shpërndarë lule për gratë e tjera dhe për efektivët e Policisë.

“Jam nga Gjermania dhe kam dëgjuar për gjërat që po ndodhin. Mendoj që Shqipëria është për të rinjtë dhe nuk është në shitje”, tha gruaja që po shpërndante lule për mediat.