Protestuesi ndihet keq pas gazit lotsjellës, largohet me ambulancë nga sheshi

Menjëherë pas përfundimit të fjalës së kreut të Partisë Demokratike, Sali Berisha, protestuesit hodhën bomba molotov drejt godinës së Kryeministrisë, si shenjë revolte ndaj qeverisë dhe kryeministrit Edi Rama.

Pas incidentit, një prej protestuesve u ndje keq nga gazi lotsjellës i përdorur nga policia, dhe për shkak të gjendjes së tij u desh ndërhyrja e ambulancës për ta larguar nga zona.

Pas tensioneve para Kryeministrisë, turma e protestuesve u drejtua drejt godinës së Kuvendit, ndërsa forcat e policisë u rreshtuan në hyrjen kryesore të Parlamentit.

Policia është pozicionuar për të parandaluar hyrjen e protestuesve në ambientet e Kuvendit dhe për të mbajtur nën kontroll situatën, ndërsa pritet që grupi të afrohet së shpejti.