Protestuesi nga Diaspora: Populli po i heq në kurriz, po paguajmë haraçet e politikanëve

Në ditën 41 të protestës kundër qeverisë, përballë Kryeministrisë një protestues i ardhur nga diaspora, tha se populli shqiptar po paguan të gjitha veprimet e opozitës dhe qeverisë.

“Populli i heq mbi kurriz të gjitha. Si mbetet gjë tjetër veçse të qëndrojë në mes e të paguajë haraçet e politikanëve tanë. Njësoj vuan dhe kur quhet diktaturë e kur quhet demokraci. që të arrijnë synimin e tyre, ata kërkojnë të fitojnë pushtetin dhe bëjnë çdo gjë.

Populli nuk harron. Do të vijë dita juaj. Një sahat e më parë koha do t’ju nxjerrë të shpërlarë në pazar. S’mundët të kishit as dinjitet e as moral për popullin shqiptar”, tha protestuesi.