Protestuesit thirrje qytetarëve të ngrihen nga lokalet: Bashkohuni me ne në këtë REVOLUCION

Protestuesit këtë mbrëmje në marshimin e tyre kanë kaluar edhe në zonën e ”Shallvareve”, me thirrjet drejtuar qytetarëve për t’u bashkuar në protestën e tyre, të cilën e kanë cilësuar si një “revolucion” dhe është në ditën e 18-të.

Ata kanë kërkuar që qytetarët që ndodheshin nëpër ambiente publike dhe lokale përreth zonës të lënë aktivitetet e tyre dhe t’i bashkohen grumbullimit masiv.

Thirrjet janë shoqëruar me marshim në disa prej rrugëve kryesore të zonës, ndërsa pjesëmarrja dhe reagimi i qytetarëve kanë qenë të ndryshme, me disa që i janë bashkuar protestës dhe të tjerë që kanë vijuar aktivitetin e përditshëm.